شوف أعطيك الزبدة، أعطيك الفولة، تيار خياني أو تيار اصلاحي، قناصة مش قناصة، ما بيعنيني شيء، أصلا البلد كلها داخلة في الزيطة، على أساس أن تيار محمود عباس هو تيار كهربائي، شوف يا معلم كيف اللعبة باختصار شديد، غزة إلي بيساعدها وبيقف معاها حياه الله، لأنه عباس ما خلى شوية وشويات عمل في غزة كأنها قتلت أبوه، لذلك والله لو دحلان قادر يفتح المعبر ويجيب الكهرب مرحباً وألف مرحباً، خلي الناس تشوف حالها، والقوة موجودة في غزة ما بيقدر واحد يعمل أي شي بعيد عن عيون القسام.
باختصار عباس باع القضية وباع غزة على أقرب مفترق، ولو يصح له يحرق غزة مش حيقصر، وواحد ثاني جاي فاتح لك الطريق ويقول لك أنا افتح المعبر وأجيب الكهرب مقابل يرجع لشرعيته مرحبابه، أصلاً هو لم يخرج من التشريعي وعاد لغزة من بوابة التشريعي.
التيار الكهربائي هو أهم من التيار الخياني حقيقة وتيار المعبر أهم تيار، والناس مع التيار الي بيمشي مع موج البحر، حتى تزول الغمة، والتيار إلي بده ياك مرحباً فيه.
