أكثر من هيك ما فينا خير، في عصر التكنولوجيا كلنا شايفيين اللي بيصير، الفلسطينيين بيموتوا من داعش والنظام والعرب والمسلمين والدوليين والاغاثيين و(سخام البين) في اليرموك، يعني تهجير وقلة قيمة وموت وقهر... الله يلعن أبوك يا الفقر وقُصْر الذيل. ولكم شو بْتِسْتَنَّوا؟! وليش ساكتين؟ّ شو التصريحات الكذَّابة راح تنفعكم؟! صحصحوا يا فلسطينيين العالم كلها ثارت وانتم قاعدين وساكتين، فزُّوا من حِيلْكُم، وطز فيكم وطز في ثورتكم وفي قيادتكم وفي كرامتكم إن بقيتم صامتين. لا تتركوا قيادياً واحداً لاصقاً في كرسيه، (كَسْرُوه على راسه وراس اللي خلَّفه)، بيكفي تجارة فيكم، لا تتركوا مقراً لوكالة غوث اللاجئين إلا وتغلقوه، ولا للهلال الأحمر، ولا للمؤسسات الدولية، ولا للمؤسسات الحقوقية، ولا للسفارات الفلسطينية، ولا للمقرات الأمنية وسجون الاعتقال السياسي، ولا مكاتب منظمة التحرير الفلسطينية، ولا مقرات الفصائل المُهْتَرءة، ولا مكاتب شؤون اللاجئين... حتى المجلس التشريعي وغير التشريعي، أغلقوها كلها واكتبوا على أبوابها (مغلق بأمر من اليرموك). مغلق بأمر من اليرموك يا عرب!! مغلق بأمر من اليرموك يا عشاق الثورة!! أخشى ما أخشاه أن يتم توزيعنا على ملاجئ جديدة وأن تحل قضيتنا... اللهم إني بلَّغْت اللهم فاشهد.