المقاومة ليست حكراً على أحد، والشعب إن ثار ما في الدنيا حد بيوقفه، والمشكلة الآن بين الشعب والاحتلال، السياسيين جابونا بالحيط، الضفة بتولع شوي شوي، وغزة بتحكحك في حالها، والحلو في الضفة إنه أبو دقن وأبو سالف والختيار والعجوز وحتى الولد الصغير كله ثورة. ما أظنيش القصة ح تطول كتير، وإن فلتت لن يستطيع أي بشر في كوكب الأرض ولا مجرة درب التبانة الوقوف أمام أي انتفاضة قائمة في الضفة الغربية، لأنه عيب، وكثير هيك، يعني من عشرين سنة واحنا "بنلف وندور" حوالين حالنا.
مش ضروري كتير يكون الشهيد فتح أو حماس أو جبهة أو أي فصيل بس مهم كتير أن تقف اسرائيل عند حدودها وهي تحرق الأطفال وتقتل النساء أمام الكاميرات،( قالوا لفرعون مين فرعنك؟ قال ما لقيت حد يردني؟) في الضفة صحيح في سلطة بس الناس قرفانة حالها، والقصة الآن بين الشعب والاحتلال، يعني الكل مشترك، والسلطة فلَّست سياسياً، وفش وسيط مصري كمان، يعني الأمور رايحة عـ "ربنا يعلم".
القصة مش في الضفة "وبس"، المنطقة كلها بتترنح وبتتطعوج، والفوضى في كل مكان، والشعوب تبحث عن حريتها بحق وحقيقة، لكن فلسطين ظلت حاضرة على مدار السنوات كقضية محورية مجمعة للعرب والمسلمين.
