دخيلو إلى حاكم هالبلد كل شي عنده شبرين وفتر، المصالحة على بعد شبرين وفتر، والقدس على بعد شبرين وفتر، والبلد واقفة على فِتر عفريت، فش حاجة في البلد ماشية بدون فِتر وشبر ومُفَّة مرقوعة، بينها عشرين مفة مرقوعة، وبين كل شبر وشبر فتر، ومفَّة.
الترقيع الي بيصير في البلد مش لصالح حد، الملفات الي كلها تم تأجيلها لما بعد الاتفاقيات مش لصالح حد، خلينا نفتح هالشبر ونغرق كلنا، يا بنحلها مرة وحدة، يعني لازم عشان ينحل ملف الموظفين نقعد نستنا المفة الجديدة على تفصيلة الأوروبيين والأمريكيين، ما فيش مُفف صناعة محلية نسكر فيها هالخوازيق، وشوية تحويلات من عند أي سباك دولي نخلص هالقصة.
وبخصوص المفة، البلد مش محتاجة مفف، ما هي كلها رُقع، حواجز في الضفة، وفي غزة مسكرة كل الدنيا، طيب ايش نسوي؟ خلينا نغير المواسير المفف والله تعبت، نغير البرامج والجداول وطريقة التعامل بدل ما رقعة نازلة وثانية طالعة يمكن ينصلح الحال.