فلوز جمعة وقعد في الفراش أسبوع زمان بعد ما غرق في بحر الصفطاوي الجديد الذي تكون بفعل السيول والأنهار في المنخفض الجوي الأخير . أبو الدبعي صاحبه سأل عنه , وعرف أنه عيان , وزاره بالبيت . - سلامتك يا جمعة , مالك ؟ - والله مفلوز يا أبو الدبعي , ولوزي نازلين , وحالتي شلش . - مِنّي مِنّك بأروح بأخلعهم , ولا بدي وجعة هالراس كل يوم والتاني . رد جمعة : والله وأنا بأقول هيك , أصلاً حسن صبي قال لي أنهم عالفاضي وما بيسووا , ونصحني أركب بدالهم حبات كاشو , صح هي غالية , بس مضمونة . قال أبو الدبعي : لا يا راجل , إوعى تصدقه, كل اشي غالي في البلد بيكون وكالة , يعني ملهوش قطع غيار , بعدين إنت مش قد الكاشو , جيب حاجة على قدك , جيب شغلة صينية , قـ.. قصـ.. قصدي هندية . جمعة : يا راجل , شو هندية ما هندية , الهندية بتحرق , لسه قضامة مالحة أحسن , مع أنه حسن صبي قال لي: "إذا ما قدرت ترَكّب كاشو , فعليك بالبزر" , وحذرني من البزر المصري , ونصحني ببزر القرع . راح جمعة وأبو الدبعي عالمستشفى , وأول ما قرؤوا على بوابة المستشفى: "كل نفس ذائقة الموت" , وشافوا الدكتور . أبو الدبعي: صباح الخير يا دكتور , صاحبي جمعة لوزه نازلين . الدكتور: وايش أعمل؟ ... ارفعهم . أبو الدبعي: كيف بدي ارفعهم لحالي ؟! الدكتور: ليش؟؟ ... تقال عليك ؟؟ جمعة: بدي أعمل عملية يا دكتور . الدكتور: هَيْ "إسرائيل" قدامك . جمعة: معيش مصاري أسافر ع "إسرائيل" . الدكتور: اتداين .. ولما تموت أهلك بيسدوا عنك الدين . جمعة: كل هادا العملية خطيرة ومش مضمونة!! طب بدي تحويلة . الدكتور: خودها من القسام. أبو الدبعي: هلقيت القسام الدكتور ولا إنت ؟؟.. بعدين كلها عملية بسيطة وبتطلع من المستشفى , ليش "إسرائيل"؟ الدكتور: ليش؟ انتو بتحكوا عن عملية جراحية ولا استشهادية ؟! ع العموم , ما في قسم عمليات عنا في المستشفى , بتلاقوا في "إسرائيل" . أبو الدبعي: بينفعش تعملوا عملية اللوز في قسم العظام ؟ الدكتور: إنت مجنون !! إيش دخل اللوز في العظام ؟ أبو الدبعي: قلت لحالي بركي جبصنتوا تحت اللوز , عشان ما ينزلوا اللوز من مطرحهم . الدكتور: فيلسوف إنت! , بعدين ما في عنا قسم عظام . جمعة : وإيش في عندكم أقسام يلا بعدي ؟؟ الدكتور: في قسم الزراعة , وقسم الغسيل , وقسم الأعضاء , وقسم الـ... أبو الدبعي: وقّف .. وقّف .. وقّف , إيش قسم زراعة وقسم غسيل وقسم أعضاء وقسم هبل ؟؟؟ الدكتور: زراعة قلب , زراعة رئة , زراعة كلية , زراعة بطيخ , شمام , فراولة , أما قسم الغسيل : في غسيل كلى , غسيل معدة , غسيل مخ , غسيل سجاد وموكيت , غسيل بخار , وفي عنا جميع أعضاء الجسم للبيع بأسعار مغرية , في عنا قلوب , كلاوي , طحل , فشة , فلافل . جمعة: فش عندكو ثلاجات موتى مريحة ؟ الدكتور: في , وفي مقبرة لدفن الموتى جنب المستشفى عالكوربة . أبو الدبعي وجمعة : [color=red][b]يا حبيبي , كملت[/b][/color] .