جارنا اخرس، زوجته الصبح حكتله ينزل على السوق يشتري خضره للبيت ... رجع بحكي مع حاله من غلاء الأسعار.

انا للأمانه مبسوط لجارنا وزعلان من البندوره الي صايره ب 8 شيكل.

شكرا لهيك حكومة على دور المراقب الاخرس ، صراصير بالمخابز وأسعار فلكية بكل شي وبالاخر بنطلك كبير القوم بقلك " بدك وطن اكثر ولا مصاري اكثر".

أخبار ذات صلة

مسواك أحد قادة كمين الزنة بكتائب القسام حديث ليلة العيد

استشهاد فتى برصاص الاحتلال خلال اقتحام رام الله

من اليوم قبل ما تشتري من اي مطعم أو مخبز احكيلو معلش بدي افوت اشوف المطبخ ... صحتك وصحة اولادك بدهاش خجل ولا بدها طبطبه وانا هالشي رح اعمله من اليوم.

لو احنا ببلد في قانون بجد صاحب المطعم والعاملين في مش لازم يرجعوا يشوفو الشمس.

صحة الناس مش لعبه بأيد اي حدا وفلوس الناس مش من الشارع بلاقوها، لو في قانون بجد صاحب المطعم ممنوع يرجع يشتغل بأي شي اله علاقه باكل الناس لآخر عمره ، لو في قانون بتصير محاكمة علنيه لهاد المجرم المستهتر بصحتنا وبسرق فلوسنا بضحكة صفرا بوجوهنا لما نشتري منو.

الي صار اليوم وضبط مخبز مقزز لازم يكون درس لكل حدا بشتغل باكل الناس ... وانا مع فضحه وفضح كل واحد بتستر على هيك مجرم.

صحة أطفالنا وصحتنا مش لعبه بايد اكم مجرم بكفي الوطن انسرق بلاش تسرقو صحتنا كمان.