في دولتنا الفلسطينية لا يوجد دفاتر لتجديد جوازات السفر، والناس محجوزة (برَّة وجوَّة) لحد ما تدخل وساطة تحل عالموضوع مع السلطة في رام الله لتسمح لساكني دولة غزة بالحصول على جوازات.. يمكن ميزانية السلطة لا تسمح!! أو يمكن الجماعة مش فاضيين؟ أصلا لإيش الجواز مش ضروري المعبر مسكر!! من الممكن بنصير نسافر على كرت المؤن، أو عشهادة الثانوية، أو عبطاقة (عمال اسرائيل) أو على ورقة تحليل البول، أو على فاتورة المطعم.... اسمع لما تضيق على الآخر بنحلها شو هي؟ بنصير ندق على القديمات واللي ما معاه جواز الله لا يرده! بنعمله وثيقة سفر أو بنعمله كوبونة سفر لمدة أسبوع ذهاب وعودة على مسئولية بان كي مون والأخوة الأعداء في التنمية السلمية العالمية لحرية التنقل بين الأديان، والحركة بين المناطق الجغرافية دون استثناء لأحد، ويلعن شرف سايس بيكو الأولاني كان هلقيت بنتمشَّى عالرَّوشَة، معلش هيك مزبطة بدها هيك خِتِم... [title]وأنا مالي يا أبو يزن دع الخلق للخالق[/title]
نحن نستخدم ملفات تعريف الارتباط لتخصيص تجربتك ، وتحليل أداء موقعنا ، وتقديم المحتوى ذي الصلة (بما في ذلك
الإعلانات). من خلال الاستمرار في استخدام موقعنا ، فإنك توافق على استخدامنا لملفات تعريف الارتباط وفقًا لموقعنا
سياسة ملفات الارتباط.