غاب غاب وجاب الغراب... يعني رفع الكرت الأحمر سَحَلْ (كلْسونه)، سحب الكرت الأحمر ورفع (كلسونه)، والشعب غلباااان مش فاهم، أو فاهم ومش قادر يحكي، أو فاهم وقادر يحكي بس واقف جنب واحد مش قادر يحكي، أو فاهم وقادر واللي جنبه قادر بس الراتب ضروري..... أما متابعين الرياضة بيتابعوا أكثر برشا وريال وأوروبا، خصوصاً بعد هزيمتنا من اليابان ستين صفر، ومنتخبنا الوطني أُصيِب بنوبة فكرية وقلبية حادة بعد الانجاز الكبير للرجوب، وإسرائيل حتعمل اللي بدها ياه، تمنع اللاعب فلان وتسمح لفلان وتحبس فلان وع قولة جبريل (مين أحسن؟!! يشوفونا حاملين بواريد وبنطخطخ ولا يشوفونا بالشرتات والكلاسين)!...... بس بيقولوا أنه الرجوب مش من راسه عمل هيك -بلا قافية- من راس الكبير، والكبير مش فاضي عرس ابن ابنه عقبال بناتكم وولادكم، راح هو وكل العيلة من الكبير للصغير، والجيران على دولة قطر الاتحادية لمناقشة العرس الفلسطيني الكبير، وأخد معاه صائب كمان لانجاح المفاوضات الزواجية ونزع أكبر قدر من حقوق آل عباس في الأمم المتحدة والفاتيكان.... المهم بنحل الموضوع بس يرجع الرئيس من الصباحية، والله (ليفسخك) الرئيس يا جبريل..!!
نحن نستخدم ملفات تعريف الارتباط لتخصيص تجربتك ، وتحليل أداء موقعنا ، وتقديم المحتوى ذي الصلة (بما في ذلك
الإعلانات). من خلال الاستمرار في استخدام موقعنا ، فإنك توافق على استخدامنا لملفات تعريف الارتباط وفقًا لموقعنا
سياسة ملفات الارتباط.