لا تسألني مين قرر، ولا كيف ولا عشان مين تم توزيع المناصب الجديدة، احنا كشعب ما لناش أي لازمة، وفتح توزع الأدوار عليها بدون أي اعتبار لأي تنظيم آخر كأن البلد "عزبة" اللي خلفهم.
مروان البرغوتي للرئاسة، وجبريل الرجوب نائب الرئيس، ومحمد دحلان رئيس فتح، وسلام فياض رئيس الحكومة... يا سلام.
وما حد يزعل أبداً أي شخص من فتح في اللجنة المركزية أو اللجنة التنفيذية ماخد موقف، يختار بإيده أي دولة بده ياها وبنبعتوا سفير عليها، كله ولا زعل الحلوين.
طيب ورمضان شلح، وخالد مشعل، كأمناء عامين لفصيلين غاية في الأهمية والشعبية في الشارع الفلسطيني، ويتقدم أحدهم على حركة فتح وينهم من "الكيكة" هذه؟
طيب والشعب كله في الضفة وغزة والداخل والمهجرين المشتتين وينهم من هالحدوثة كلها؟ مش ضروري صدقوني المهم تصوت أمريكا ومعها الدول العربية المجاورة وخلاص، لأنه الفلوس هي المهمة، طيب والناس والاحتلال...
برأيي إذا قبل الشعب في هذه المهزلة فعليه السلام كآخر نقطة متبقية في فلسطين، والصحيح عليه أن يثور في الضفة وغزة والداخل والخارج على حبة الحرامية هدول، وبيكفي تعريص مخلل.
