يا صباح الفل والورد والياسمين، جاية حكومتنا الفلسطينية في زيارة لشق الوطن الآخر على حسب اتفاق غزة وأريحا وسنغافورة وجنوب أفريقيا وكل الطموحات السابقة، والوعودات الوردية على مدار عشرين سنة من المفاوضات والقصص الفارطة وصل الحال بنا اليوم لأكثر من رائع، تخيل كشوفات الحكومة والمرافقين ورجال الأمن القادمين إلى غزة تنزل يوافق عليها شلومو، وسيتحركون لغزة ...
مرحبا بيكم، كل غزة بتقلكم أهلاً، جايين تحلوا مشاكلها إلي أنتم صنعتوها، كل واحد جاي أكيد بوزو حيكون متر ونص لقديم، كأنه مبعوث السلام لغزة، والله العظيم عيب، وصلنا لحال مخزي جداً وكل شي بدون معنى ولا طعم، ويا رب ما يخيب ظني ويكونوا الجماعة فعلاً جايين يحلوا المشاكل الي خلفوها على مدار عشر سنين، مش جايين ياكلوا جمبري وما لذ وطاب من بحر غزة، بغض النظر حاجزين فندق المشتل بكل غرفه وتكاليفه، يعني قاعدين في أحسن مكان في غزة عشان يحلوا مشاكل غزة، ما علينا مصائب قوم عند قوم فوائد.
ارجو أن لا يتعامل الغزاويون مع القادمين تعامل الفاتحين المنتصرين، فالقادمون حكومة وفاق واجب عليها تقوم بعملها غصبا عنها مش بخاطرها وإلا وفق السياسة والحرية والزفت إلي بينادوا في في الكون في انتخابات بتغيرهم، ولكن الكف في المخراز، هي حماس فتحت الأبواب كلها وسلمت كل شي، يتفضلوا تنشوف آخر المشي على الحبال.
