20.57°القدس
20.88°رام الله
19.42°الخليل
26.31°غزة
20.57° القدس
رام الله20.88°
الخليل19.42°
غزة26.31°
الأحد 31 اغسطس 2025
4.44جنيه إسترليني
4.72دينار أردني
0.07جنيه مصري
3.91يورو
3.34دولار أمريكي
جنيه إسترليني4.44
دينار أردني4.72
جنيه مصري0.07
يورو3.91
دولار أمريكي3.34

خبر: كذب البيّاع ولو صدق

استوقفني عند الخروج من المسجد في صلاة الفجر صوت بائع الكعك وهو ينادي على بضاعته: - كعك.. كعك .. كاعك .. كااااك .. يلا سخن يا كاك .. تازا يا كاك .. من بيت النار يا كااك . - سخن الكعك يا أبو الشباب ؟؟ بياع الكعك : سخن , توي طالع من الفرن . مسكت كعكة بيدي , لم يكن الكعك ساخناً كما قال "أبو الشباب" . - أنا شايف الكعك مش سخن . - والله العظيم سخن , توي أنا طلعته من بيت النار . - خلاص يا عمي , أنا بدي أكذّب إيدي وأصدقك , امسك الكعك بإيدك وشوف إن كان سخن ولا بارد . رد "أبو الشباب" : - والله يا خال إذا حطيناه وهو سخن بيصير عجينة وبيخرب الكعك . - على هيك بيكون الكعك بارد مش سخن . فقال بياع الكعك "أبو الشباب" : - هو مش بارد , بتقدر تقول عليه فاتر . [title]***[/title] عند بياع الزيت وقف الزبون وصار يجادل البياع عن سعر الزيت وقديش مغشوش : - والله العظيم , على رقبتي , الزيت أصلي ما هو مغشوش . - بس أنا مبارح شريت منك زيت , وطلع تلات أرباعه مية ! - والله العظيم , على رقبتي , الزيت أصلي ما هو مغشوش . - أنا حاسس أنه الزيت اللي داهن فيه رقبتك هو الأصلي , مش الزيت اللي قدامك! [title]***[/title] - بولادي أصلي , يا عمي والله العظيم بأحلفلك بأولادي أنه الجهاز أصلي. - بس أنا شايف الجهاز كوري , مش نوكيا أصلي. - يا عمي فش حدا بيحلف بأولاده كذب , إذا مش مصدق , نقي الجهاز اللي بدك إياه. فقال الزبون: - خلص , صدقتك , راح آخد الجهاز. وبعد انصراف الزبون أخرج بائع الجولات مسمار البولاد -إللي حلف عليه- من جيبه, وأخذ ينظر إليه وهو يبتسم.