[color=blue]فلسطين الآن – كتب مراسل حارتنا في كوكب زحل[/color] ممنوع التصوير بأي شكل من الأشكال، إلا بإذن، والإذن مربوط بمزاج، والمزاج مربوط بكيف، والكيف مربوط بسياسة, والسياسة مربوطة بعصا، والعصا أكيد حتلقيها في سجون زحل ......احلي صحافة وأحلى ناس وأحلى كاميرات ... كوكب زحل . نشرة الأخبار في كوكب زحل ساعة كاملة, 59 دقيقة, خرج الرئيس , صعد الرئيس, نام الرئيس, افتتح رئيس الوزراء, لم يفتتح رئيس الوزراء, حاول أن يفتتح رئيس الوزراء لكنه منع من قوات كوكب المريخ, بسبب الحواجر علي مدينة زحل المقدسة. كوكب زحل حرية "حبطرش "، من كتر الحرية, صورنا رئيس الوزراء علي سدر نابلسية, وقلنين زيت زتون, وطبق مسخن, وهوا بيزرع زتون , ولمون , وفقوس, وفجل, وذرة, وملح, وبيمشي بسيارة مصفحة, ولا حاجز في الطريق, الحرية نار. مراسلين كوكب زحل بيحكو عن كل أشي الي الحقيقة , ما في اعتقالات, ما في انتهاكات, ما في حواجز, ما في غلاء , "ولوجيت للصحيح"... ما في ماء , ولا هواء , ولا كهرباء , ولاضياء ولا سناء, ولابهاء, ولا ارض, ولا سماء, ولا عوض , ولا رجب ..... ولا حد فيه بس!! عشرين صحفي الي بتكلموا وبيصوروا علي كوكب زحل, وباقي الصحفيين ماكلين "زحل" برابيش وعصي وكنادر وكلبشات وكمامات وسيارات وخوازيق واعتقالات , من هين "لزحل" أي صحفي مش تابع لقناة "زحل", أو فكر" زحل", حياكل "زحل" . أنا مراسل ومذيع ومصور في كوكب زحل, الغريب ما بأشوف حواجز, ولا غلاء, ولا غباء, , ولا فوضى, ولانهب, ولاكذب, ولا لقاءات مع قيادات وضباط العدو , ما فش ولا حد "محبوس" ولا "مكدوس" ولا "مكبوس" , والأخبار علي كيف الهلوس , وفي الأخر حيطلع جاسوس, وأكبر جاسوس... اجتماع للصحفين في كوكب زحل .... ما أجاش غير "3" من أصل "300", وأمسية صحفية , ما أجاش غير 5 من أصل 300 برضو أربع صحفيات,وصحفي واحد بس!! . يا عالم ايش القصة ؟؟ , الكم من الصبح بتحكو حرية, ورخاء , وصفاء, ونقاء , وصحافة, وين الصحفيين ؟ وين الكاميرات ؟ وين القنوات ؟ قالوا كل صحافة كوكب "زحل" في السجن , وفش غير أنا وانتا وكم من واحد..... أنا داير بالي علي حالي, أخباري تمام, والكاميرا كسرت" بوزها" بلا ثورة بلا بطيخ؟! . أما أنت دير بالك علي حالك إذا كنت صحفي في كوكب زحل, لأنك لو لودت شمال, أو يمين, أو صورت أي صورة مخلة بسمعة الرئيس , أو قوات احتلال كوكب المريخ ... "حتآكل زحل".