إشي أحمر ومقنبر، ما بين الحلو والمالح، والطالح والصالح، أحياناً بتشعر أنه أنثى وأحيانا بتشعر أنه ذكر، واقفة عليها أو عليه مصالح البلد، وملس جداً ما حدش عارف مين كبيره، أو وين راسه، بين العادي والأتوماتك.
طويل أطول من المسلسلات التركية، وبايخ أبيخ من الأفلام الهندية، وجميل أجمل من تصفيات أبطال أوروبا، وثقيل دم أثقل من دم خليل كوميدي أصل الضحكة بمصر....
صارت أو صار كتير مرة في مصر ومرة في مكة ومرة في قطر ومرة في تركيا... كل فترة في بلد -الله وكيلك- ، الطموحات والأحلام القائمة عليه أكبر بكتير من حجمه، لأنه مش معروف له كبير، العرب مرة بتشِدْ فيه، والغرب مرة بيشدْ فيه، أما قرار مستقل بذاته كلام فاضي.
عرفت الفزورة؟ اشي بشبه الوفاق الوطني الفلسطيني، أو بيشبه المصالحة الفلسطينية.
