نشرت شابة غزية، مغتربة في تركيا، وتعرضت للإصابة بفيروس كورونا، رسالة طمأنة لأهل غزة.
وقالت الشابة في رسالتها، "أهلي وحبايبي في غزة فيروس كورونا أضعف من فيروس الانفلونزا العادي والله أضعف لما بنفلونز فلونزا عادية بكون اقوى أضعاف ومراحل".
وأضافت: "تفاجأت بعد ما كتبت عالفيس انه الفيروس وصل بيتنا، اتصالات ومكالمات كبيرة من كل الي حواليا انهم كانو مصابين وما اعلنو عشان لما يتحسنو ما يضلو موبوئين وكلهم نفس الشي انه ما اخد أسبوع معهم وتحسنو بسرعة وكان اخف من الانفلونزا العادية".
وتابعت: "الاعلام مهول كثير كثير وحسيته كأنه التهويل هادا عن قصد عشان يدمر الاقتصاد والنفسيات، فيروس ضعيف جدا ما بياخد يومين تلاتة وكل واحد وحسب مناعته وبالنسبة لكبار السن كتير حواليا فوق ال٧٠ وال ٨٠ انصابو وما شاء الله تحسنو بسرعة وبرضو كانو منهم مرضى قلب وسكري وضغط وحتى سرطان".
وأشارت إلى أن الأعراض بسيطة جدا، فقالت: "فقدنا حاسة الشم والتذوق ٤ أيام مع صداع خفيف جدا هي الاعراض اللي اجتنا في منهم اجتهم سخونة شديدة مع صداع وما فقدو حاسة التذوق والشم...
تعاملو معها طبيعي جدا .. حتى المستشفيات التركية والاطباء صارو يتعاملو معها كانها فلونزا عادية".
وأكدت أن أغلب حالات الوفاة من كورونا، يعود إلى وجود أمراض مزمنة لديهم.
