ركبت سيارة من الجندي المجهول مشى السائق فأوقفه طفل وطلب منه أن يوصله إلى رمزون السامر وقبل أن يركب في السيارة قال للسائق عمو انا ما معي شيكل فنهره السائق ورفض أن يوصله ، وفي اقل من ثانية أحد الركاب نهر السائق وطلب منه توصيل الطفل وأنه سيدفع عنه الشيكل وركب الطفل وسرنا وانا اجلس بجانب الرجل وسمعته يتمتم بكلمات اخترقت كل وجداني وكياني وهزتني هزاً عنيفاً سمعته يقول :
" أقسمت عليك يا الله #بهالشيكل إنك تسمعني وتلبي حاجتي "
فانتابني الفضول ودون استئذان أو مقدمات وحكتلو يا راجل إبتقسم على الله جل جلاله بشيكل
وكان رده عليا صدمة أكبر من الصدمة الأولى وحكالي يا شيخ انت عارف انو الشيكل هادا بالنسبة الي كل ما أملك واني رح ارجع مشي لمستشفى الشفا بعد ما اخلص مشواري في الساحة
يا شيخ خليها على الله .
حكتلو طيب بالله عليك ايش الموضوع اللي أقسمت على الله فيه وبكل حزن وهم وغم حكالي انو يشفي ابني من الفشل الكلوي
لسا توي طلعت النتيجة وهيني بدي ارجع اكملو الإجراءات
وهيني احتسبت هالشيكل عند الله وان شاء الله ما بخيبني ..
طلبت منو رقم جوالو وحاولت أعطيه لو اجار الطريق رفض بشدة ،
اليوم رنيت عليه وعرفتو عن نفسي تفاجأت بضحكة غريبة منو وحكالي مش حكتلك انو ربنا كبير يا شيخ
حكتلو بعرف بس شو صاير معك ؟ أقسم لي بالله انو الأطباء اعتذرولو وانو النتيجة مش لإبنو وانو هناك خطأ وانو ابنو معا التهابات شديدة وكتبولو علاج وحكالي الولد اخد العلاج من امبارح لليوم واتحسن كتير والحمد لله.....
بشيكل واحد وأقل من شيكل بكتير ولو بشق تمرة يغير الله الأقدار ونواميس الكون لأجلك..
فلا تقنطوا من رحمة الله ولا تحقروا من المعروف شيء عباد الله......
#د_مروان_نصر
